Երկրագունդը փոքր է. վարչապետը` պատգամավորներին «չգտնելու» մասին

Սահմանապահի օրվան նվիրված միջոցառումներից հետո լրագրողները վարչապետ Նիկոլ Փաշինյանին հարց ուղղեցին` ինչպե՞ս է ստացվում, որ նախկին պատգամավորը` Արամ Հարությունյանը, խուսափում է պատասխանատվությունից:

«Նա, օգտագործելով պատգամավորական իր կարգավիճակը, կորել է իրավապահների տեսադաշտից: Քանի դեռ պատգամավորական անձեռնմխելիությունից զրկված չէր, որևէ մեկը նրա նկատմամբ որևէ լծակ չուներ։ Պատգամավորական անձեռնմխելիությունից օգտվելով` Հայաստանից դուրս է եկել նաև Միհրան Պողոսյանը։ Ի՞նչ կա այդտեղ զարմանալի։ Եթե նրանց պատգամավորական անձեռնմխելիության պայմաններում ձերբակալեին, հիմա դուք պետք է ասեիք՝  բա ո՞ւր մնաց օրենքը, օրինականությունը։ Բայց ո՞ւր պետք է փախնեն՝ երկրագունդը փոքր է», - նշեց Փաշինյանը։