Վարչապետը մասնակցել է «Փոքր Մհեր»-ի նոր մասնաճյուղի բացմանը

Վարչապետ Հովիկ Աբրահամյանը ներկա է գտնվել «Փոքր Մհեր» կրթահամալիրի նոր մասնաճյուղի բացմանը:

Նուբարաշեն վարչական շրջանում գտնվող նոր մասնաճյուղում կգործի կրթահամալիրի հիմնական դպրոցը, որտեղ ուսում կստանա 154 երեխա: Կառավարության ղեկավարը շրջել է մասնաճյուղի հիմնանորոգված ուսումնական մասնաշենքում, ծանոթացել կրթահամալիրի սաների համար ստեղծված պայմաններին:

Այնուհետև տեղի է ունեցել կրթահամալիրը համալրած սաների երդման հանդիսավոր արարողությունը: Սաներից մի քանիսին «Խաչ պատերազմի» վզնոցները հանձնել է վարչապետ Աբրահամյանը: Կրթահամալիրի սաները հանդես են եկել նաև մարտարվեստի և ռազմարվեստի ցուցադրական ելույթներով: