Թուրքիայի վարչապետը պատգամավորներին ողջունել է «Գորշ գայլեր»-ի ժեստով

Թուրքիայի վարչապետ Բինալի Յըլդըրըմը, երեկ իր ղեկավարած` իշխող «Արդարություն և զարգացում» կուսակցության խորհրդարանական խմբակցության նիստում ելույթ ունենալով, պատգամավորներին ողջունել է «Գորշ գայլեր»-ի ժեստով: Ի դեպ, այդպես են միմյանց ողջունում նաև թուրքական «Ազգային շարժում» կուսակցության անդամները:

Ըստ CNN Turk-ի` վարչապետը շնորհակալություն է հայտնել այդ կուսակցության անդամներին խորհրդարանում սահմանադրական փոփոխությունների փաթեթն անցկացնելու հարցում իր կուսակիցներին աջակցելու համար: «Ազգային շարժման» եղբայրներն ասացին` հայրենիքն ու ժողովուրդը վեր են ամեն ինչից, և մենք համերաշխ ենք նրանց հետ»,- հայտարարել է Յըլդըրըմը: