Լավ խոսքեր եղան, Նաիրա Զոհրաբյանի վրա «բոչկա գլորել» եղավ, բայց դա մեզ բացարձակապես չբավարարեց. Վահագն Չախալյան

Որոշ գլոբալիստական ուժեր իրենց առջև մարդկության աճը քչացնելու նպատակ են դրել , գումարներ են ծախսում այդ նպատակների համար, մերոնք էլ գումարներ աշխատելու համար նման խնդիրներ են ստեղծում. Ազգային ժողովի շենքի առջև կազմակերպված բողոքի ակցիայի ժամանակ ասաց ջավախահայ քաղաքական գործիչ Վահագն Չախալյանը:

«Նման քարոզներով ժողովրդագրական աճը հարվածի տակ են դնում։ Պետք է հասկանալ այս պարզ ճշմարտությունը։ Մենք պայքարելու ենք դրա դեմ մինչև հզոր Հայաստան ունենանք։ Մենք ցանկանում ենք հստակ իմանալ, թե ինչպես է ԱԺ–ն հետագայում բացառելու նման դեպքերը, որ ԱԺ տարածք այլասերվածները ոտք չդնեն և չքարոզեն այլասերվածություն երկրի բարձրագույն ամբիոնից»,- հավելեց նա:

Հասարակական գործիչը նաև մանրամասնեց, որ հայ ժողովրդից և ՀՀ քաղաքացիներից ավելի հանդուրժող չկա: «Այդ ինչպե՞ս ստացվեց, որ հիմա սկսեցին ոտնահարել նրանց հրավունքները, մինչև հիմա ձեն-ձուն չկար, էդ հիմա սկսեցի՞ն»,- նշեց նա:

Ինչ վերաբերում է իրենց ու ԱԺ փոխնախագահ Ալեն Սիմոնյանի հանդիպմանը, ապա Չախալյանը վստահեցրեց, որ այն իրենց չի բավարարել: «Մենք կորոշենք մեր անելիքը: Լավ խոսքեր եղան, Նաիրա Զոհրաբյանի վրա «բոչկա գլորել» եղավ, դա մեզ բացարձակապես չբավարարեց»,-եզրափակեց նա:

Հիշեցնենք, որ այսօր առավոտից ԱԺ բակում տրանսգենդերներին քարոզչության հարթակ տրամադրելու դեմ բողոքի ակցիա են իրականացնում մի շարք ցուցարարներ: