Թուրքական քաղաքականության նոր աստղը` Իմամօղլու. Guardian

Բրիտանական Guardian պարբերականը անդրադարձել է Թուրքիայի ՏԻՄ ընտրությունների նախնական արդյունքներով Ստամբուլի քաղաքապետ ընտրված Էքրեմ Իմամօղլուին. տեղեկացնում է BBC-ի թուրքական ծառայությունը:

Պարբերականը նշում է, որ Իմամօղլուն ընտրություններից առաջ քիչ հայտնի էր, սակայն բոլորի կողմից սկսել է ճանաչվել որպես նախագահ Ռեջեփ Թայիփ Էրդողանի` տարիներ տևած վերահսկողությանը ընդդիմացող գործիչ:

«Իմամօղլուի հաղթանակն անսպասելի էր: Ըստ հարցումների` ֆինանսական աջակցությամբ հզոր մրցակից` ԱԶԿ-ական, նախկին վարչապետ Բինալի Յըլդըրըմին զգալիորեն զիջում էր: Էրդողանը ընտրությունների գիշերը հայտարարել էր, որ հաղթել են նաև Ստամբուլում, սակայն Էրդողանի Ստամբուլն անցավ ընդդիմադիր Հանրապետական-ժողովրդական կուսակցությանը: Նրան հաջողվեց միավորել բաժանված Ստամբուլը: Քաղաքականության նոր աստղը Տրաբզոնում է ծնվել: Իմամօղլուն ավելի համեստ քարոզարշավ է իրականացրել, սակայն կարողացավ միավորել քաղաքականությամբ, կրոնով և էթնիկապես բաժանված Ստամբուլը»,- գրել է թերթը: