Հոլիվուդյան աստղը Հռոմի պապին նացիստ է անվանել

Հոլիվուդյան աստղ Սյուզան Սարանդոնը Հռոմի պապ Բենեդիկտոս 16-ին նացիստ է անվանել. տեղեկացնում է Reuters-ը:

«Մահացածը գալիս է» ֆիլմի համար «Օսկարի» արժանացած Սարանդոնը հարցազրույցների մեկում ասել է, որ Հռոմի պապին է ուղարկել ֆիլմի հիմքում ընկած գիրքը` հավելելով, որը խոսքը նախկին պապի` Հովհաննես Պողոս Երկրորդի մասին է, այլ ոչ թե «այս նացիստի»:

Սարանդոնի զրուցակիցը` նրա գործընկեր Բոբ Բալաբանը, մեղմորեն կշտամբել է դերասանուհուն, սակայն վերջինս դարձյալ հայտարարել է, որ Բենեդիկտոս 16-ը նացիստ է:

Նշենք, որ Բենեդիկտոս 16-ը, աշխարհիկ անունը` Յոզեֆ Ռատցինգեր, իսկապես պատանեկան տարիներին անդամակցել է «Հիտլերյուգենդ» նացիստական խմբավորմանը: Հարցազրույցներից մեկում նա պարզաբանել էր, որ հիտլերյան Գրեմանիայում բազամաթիվ դեռահասներ ստիպված էին անդամագրվել այդ կազմակերպությանը: