Միշտ շնորհակալ եմ լինելու նրան. հոլիվուդյան աստղը` Քըրք Քըրքրյանի մասին

Հոլիվուդյան հայտնի դերասանուհի, երգչուհի Բարբարա Սթրեյզանդը Քըրք Քըրքորյանի մասին գրառում է արել ֆեյսբուքյան իր էջում:

«Տարիներ շարունակ Քըրք Քըրքորյանը եղել է արտասովոր մեծահոգության տեր մարդ: Նա հազվադեպ է ձգտել ուշադրության կամ իր ներդրումների ճանաչմանը»,- ասել է հայտնի դերասանուհին՝ հիշելով 1969 թվականը, երբ ինքն է կատարել Քըրքորյանի՝ Լաս Վեգասում գտնվող հյուրանոցի բացման արարողությունը:

«Իմ հիմնադրամին նրա ունեցած հսկայական ներդրման շնորհիվ ես կարողացա պայքարել ՁԻԱՀ-ի դեմ և կանանց, երեխաների իրավունքների, ինչպես նաև շրջակա միջավայրի  պաշտպանության համար»,- նշել է Սթրեյզանդը՝ հավելելով, որ Քըրքորյանը 2013 թվականին միացել է իրեն՝ կանանց սրտի հիվանդությունների դեմ պայքարում:  

«Նա եղել է եզակի, հազվագյուտ և շատ յուրահատուկ մարդ, և ես միշտ շնորհակալ եմ լինելու նրան»,- եզրափակել է դերասանուհին: