Պակիստանը պատրաստ է Հնդկաստանի հետ երկխոսության. երկրի ԱԳՆ

Մարտի 7-ին  Պակիստանի ԱԳՆ պաշտոնական ներկայացուցիչ Մուհամադ Ֆեյսալը  մամուլի ասուլիս է տվել, որի ժամանակ խոսել է նաև Հնդկաստանի հետ լարված հարաբերությունների մասին. հայտնում է РИА Новости-ն:

Ըստ պակիստանյան Dunya News-ի` Մուհամադ Ֆեյսալը հայտարարել է, որ Հարավային Ասիայում խաղաղությունն անհնարին է առանց «Քաշմիրի առանցքային խնդրի» լուծման: Նա նշել է, որ Պակիստանը պատրաստ է Հնդկաստանի հետ խաղաղ երկխոսության բոլոր ուղղություններով, այդ թվում` Քաշմիրի կարգավիճակի հարցով: Սակայն, ըստ պաշտոնյայի, շրջանի ճակատագիրը պետք է որոշվի ՄԱԿ-ի ԱԽ բանաձևերի հիման վրա,  այսինքն` հանրաքվեի անցկացումից հետո: