Փոխանցեք Աննա Հակոբյանի հիմնադրամին. Նարեկ Մալյան

ԵՊՀ հոգաբարձուների խորհրդի այսօրվա նիստում քննարկվում է ռեկտոր Արամ Սիմոնյանին անվստահություն հայտնելու հարցը:

Հոգաբարձուների խորհրդի նախագահ Գևորգ Մուրադյանն իր խոսքում նշեց. «Նկատվում են որոշ խմբեր, որոնք համալսարանի շուրջ ստեղծված իրավիճակը փորձում են ծառայեցնել իրենց շահերին: Ցավոք, արդեն երևում են առաջին նշանները, որ տարբեր շահեր հետապնդող խմբեր փորձում են և փորձելու են օգտագործել համալսարանի շուրջ եղած իրավիճակը համալսարանի շահերի հետ ոչ մի աղերս չունեցող նպատակների համար»:

Նրա ելույթի ավարտին ամբիոնին մոտեցավ Նարեկ Մալյանը (որը հաճախ ի պաշտպանություն ԵՊՀ ռեկտորի ակցիաներ իրականացնում) և մետաղադրամներ լցրեց հոգաբարձուների խորհրդի նիստը վարողների սեղանին: «Սա կփոխանցեք Աննա Հակոբյանի հիմնադրին, հանկարծ ձեզ չպահեք»,- ասաց նա:

Նիստը նախագահողը խնդրեց անվտանգության աշխատողներին` պահպանել նիստի անվտանգության կանոնները:

Նիստը այս պահին շարունակվում է: Ելույթ են ունենում խորհրդի անդամները: