Վրաստանը դեռ բանակցում է «Գազպրոմ»-ի հետ

Վրաստանի տնտեսության նախարար Գեորգի Կոբուլիան հայտարարել է, որ «Գազպրոմ»-ի հետ բանակցությունները դեռ չեն ավարտվել. հայտնում է apsny.ge-ն:

Նա հայտնել է լրագրողներին, որ երբ բանակցություններն ավարտվեն, գերատեսչությունը կտեղեկացնի հասարակությանը համաձայնագրի որոշ մանրամասների մասին:

«Մենք  «Գազպրոմ»-ի հետ բանակցությունների փուլում ենք: Երբ այդ գործընթացն ավարտվի, մենք կհայտնենք հանրությանը այն, ինչը կարող ենք: Սակայն բնական է, որ կան տարրեր, որոնք գաղտնի են` պայմանագրի պայմանների համաձայն»,- ասել է նա:

Ավելի վաղ Վրաստանի վարչապետ Մամուկա Բախտաձեն  հայտարարել էր, որ Վրաստանին ձեռնտու է ռուսական գազի տարանցումը Հայաստան: