Համոզված եմ` կշարունակվի ՀՅԴ-ի հետ Արցախի Հանրապետության միջազգային ճանաչմանն ուղղված արդյունավետ համագործակցությունը. Մասիս Մայիլյան

Հունվարի 25-ին Արցախի Հանարպետության արտաքին գործերի նախարար Մասիս Մայիլյանը շնորհավորական ուղերձ է հղել ՀՅԴ Բյուրոյի ներկայացուցիչ Հակոբ Տեր-Խաչատուրյանին:

Ուղերձում մասնավորապես նշված է.

«Վստահ եմ, որ ամենայն պատասխանատվությամբ քաղաքական փորձառու գործչի Ձեր ողջ եռանդն ու ավյունը կշարունակեք ի սպաս դնել համայն հայության առջև ծառացած մարտահրավերների հաղթահարմանը:

Համոզված եմ, որ այսուհետ եւս կշարունակվի արդյունավետ համագործակցությունը ՀՅԴ կուսակցության, Հայ Դատի կառույցների եւ ԱՀ արտաքին գործերի նախարարության միջեւ` ուղղված Արցախի Հանրապետության միջազգային ճանաչմանը եւ արտաքին քաղաքական օրակարգի  այլ խնդիրների լուծմանը:

Մեկ անգամ եւս շնորհավորելով Ձեզ, ՀՅԴ կուսակցությանը եւ նորընտիր Բյուրոյին` մաղթում եմ նորանոր հաջողություններ ու ձեռքբերումներ` ի շահ Հայաստան-Սփյուռք եռամիասնության հետագա ամրապնդման, մեր ժողովրդի նվիրական իղձերի իրականացման»: