ԲՀԿ-ական պատգամավոր Հակոբ Նազարյանն ինքնաբացարկի դիմում է ներկայացրել ԿԸՀ

ԲՀԿ-ական նորընտիր պատգամավոր  Հակոբ Նազարյանն ինքնաբացարկի դիմում է ներկայացրել Կենտրոնական ընտրական հանձնաժողով: ԿԸՀ արտահերթ նիստում այս մասին հայտնել է ԿԸՀ քարտուղար Արմեն Սմբատյանը:

«Հիմք ընդունելով 2018թ. դեկտեմբերի 9-ի Ազգային ժողովի արտահերթ ընտրություններին մասնակցած «Բարգավաճ Հայաստան» կուսակցության ընտրական ցուցակում ընդգրկված պատգամավորի թեկնածու Հակոբ Աշոտի Նազարյանի ինքնաբացարկի մասին դիմումը և ղեկավարվելով Ընտրական օրենսգրքի 88-րդ հոդվածի 3-րդ մասով` ԿԸՀ-ն ուժը կորցրած է ճանաչում պատգամավորի թեկնածու Հակոբ Աշոտի Նազարյանի գրանցումը»,- նշել է Սմբատյանը: 

Ավելի վաղ  Նազարյանը ԲՀԿ-ից դուրս գալու դիմում էր ներկայացրել: