Հունաստանի ընդդիմությունը խաղաղ ցուցարարների վրա հարձակման համար կառավարությանն է մեղադրել

Հունաստանի ընդդիմադիր «Նոր ժողովրդավարություն» կուսակցության առաջնորդ Կիրիակոս Միցոտակիսը հայտարարել է, որ երկրի կառավարությունը քիմիական նյութերով հարձակում է գործել հարյուրհազարավոր խաղաղ ցուցարարների վրա, և որ մեղավորները պետք է պատասխանատվության ենթարկվեն. հայտնում  է РИА Новости-ն:

Նրա խոսքով` վարչապետ Ալեքսիս Ցիպրասը Մակեդոնիայի հետ համաձայնագրի հարցում պետք է հաշվի առներ ժողովրդի ձայնը, որը դեմ է դրան:

Նշենք, որ համաձայնագիրը, որի համաձայն` Մակեդոնիան փոխում է իր անվանումը Հյուսիսային Մակեդոնիայի Հանրապետության, իսկ Հունաստանը այլևս դեմ չի լինում բալկանյան հարևանի` ՆԱՏՕ-ին և ԵՄ-ին անդամակցելուն, տարաձայնություններ է առաջացրել Հունաստանի բնակչության շրջանում: Երեկ կայացած բողոքի ակցիաներն ավարտվել են ոստիկանների հետ բախումներով: