Ժողովրդի «ոչ հեղափոխական» զանգվածիս այլ բան չի մնում, քան ապավինելը ժամանակին

ԱԺ նախկին պատգամավոր, ՀՅԴ անդամ Արտաշես Շահբազյանն իր ֆեյսբուքյան էջում գրում է. 

«Ըստ լրատվամիջոցների, այսօր Ալեն Սիմոնյանն ասել է, թե հավանական է, որ խորհրդարանում Սփյուռքի հարցերով հանձնաժողով ստեղծվի: Հուսամ Ալեն Սիմոնյանը եւ այս մտահղացման մյուս ճարտարապետները լավ են հասկանում, որ խորհրդարանը օրենսդիր մարմին է: Հետաքրքրիր է` ինչ օրենքների շարք է գրվելու Սփյուռքի վերաբերյալ, որոնցով ամեն Աստծո աշխատանքային օր զբաղվելու է տվյալ հանձնաժողովը:

Սա նույնպիսի անհեթեթություն է, ինչպիսին այն միտքը, թե Սփյուռքի նախարարության վերացման պայմաններում այնպիսի այլ մեխանիզմներ են ստեղծվելու, որ առավել արդյունավետ կդարձնեն Սփյուռքի հետ աշխատանքը: Թոզ փչելու գործընթացը շարունակվում է, բայց դժբախտաբար, ժողովրդի Ժողովրդի «ոչ հեղափոխական»  զանգվածիս այլ բան չի մնում, քան ապավինելը ժամանակին»: