Երկխոսություն կա. Զախարովան` ԼՂ հակամարտության կողմերի միջև շփումների մասին

ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ մեկնաբանել է  ԼՂ հակամարտության կարգավորման հարցով շփումների ակտիվությունը` պատասխանելով հարցին` կա արդյո՞ք այսօր երկխոսություն:

Հիշեցնենք, որ Միլանում դեկտեմբերի 5-ին ԵԱՀԿ ԱԳՆ ղեկավարների խորհրդի նիստի շրջանակում  կայացել է Հայաստանի և Ադրբեջանի ԱԳՆ ղեկավարների հանդիպումը , որի արդյունքում համատեղ հայտարարություն է համաձայնեցվել: Իսկ Սանկտ Պետերբուրգում ԱՊՀ գագաթնաժողովի շրջանակում կայացել է ՀՀ վարչապետի պաշտոնակատար Նիկոլ Փաշինյանի և Ադրբեջանի նախագահ Իլհամ Ալիևի զրույցը:

«Իհարկե,  երկխոսություն կա: Այստեղ որևէ պաշտոնական հայտարարություն հարկավոր չէ, քանի որ ընդունված փաստաթղթի և վերոհիշյալ շփումներից հետո ակնհայտ է, որ երկխոսություն կա: Մենք ելնում ենք այն բանից, որ ռուսական կողմը, հաշվի առնելով համանախագահի դերը,  կաջակցի դրական դինամիկային` ուղղված գլխավոր նպատակի ձեռք բերմանը»,- ասել է Զախարովան: