Պոլսահայ լրագրողին «սրի ավելցուկ» անվանած թուրք դասախոսի դեմ հայց կներկայացվի

Պոլսահայ լրագրող Հայկո Բաղդադը վերջերս հայտնվել էր Թուրքիայի ներքին գործերի նախարար Սուլեյման Սոյլուի թիրախում նրա մասին գրած հոդվածի պատճառով:

Բացմաթիվ սպառնալիքների արժանացած Հայկոն Twitter-ի իր էջում գրել էր, որ Սոյլուն պետք է դատվի մարդու իրավունքները շարունակաբար ոտնահարելու համար:  

Ի պատասխան Բաղդադի այս հայտարարության` «Բայսալ» համալսարանի դասախոս Յահյա Մուսթաֆան ասել է. «Եթե կարող ես, արի ու դատի, սրի ավելցուկ»:

Թուրքիայում Մարդու իրավունքների միության` Պոլսի մասնաճյուղի անունից հայտարարությամբ հանդես եկած Էրդեն Քեսքինն ասել է, որ այդ հայտարարության համար դատական հետապնդում պետք է իրականացվի դասախոսի դեմ: