ՀԱՊԿ գլխավոր քարտուղարի անձի հարցն ամենակարևորներից չէ. Փաշինյանը` Россия-24-ի հետ զրույցում

ՀՀ  վարչապետի պաշտոնակատար Նիկոլ Փաշինյանը, ԵԱՏՄ երկրների գագաթնաժողովին ընդառաջ, հարցազրույց է տվել Россия-24  հեռուստաալիքին՝ անդրադառնալով մի շարք հարցերի, այդ թվում՝ ՀԱՊԿ-ին:

Նա նշել է, որ մեծ ուշադրություն է հատկացվում ՀԱՊԿ գլխավոր քարտուղարի ընտրության հարցին, սակայն իրականում դա սառցաբեկորի վերին շերտն է միայն, և ՀԱՊԿ գլխավոր քարտուղարի անձի հարցն ամենակարևորներից չէ:

«Առավել կարևոր է կազմակերպության էությունը: Ասեմ, որ սա Հայաստանի համար շատ կարևոր կազմակերպություն է, ու մեր գլխավոր նպատակը ՀԱՊԿ հեղինակության բարձրացումն է՝ ոչ միայն քաղաքական, այլև ռազմավարական առումներով, և հույս ունեմ, որ կկարողանանք հասնել այդ նպատակին»,- ասել է վարչապետի պաշտոնակատարը: