Ռուսաստանը Ադրբեջանին չի մատակարարի «Բալ-Է» հրթիռային համալիր. Коммерсантъ

ՌԴ  իշխանությունները հրաժարվել են Ադրբեջանին մատակարարել «Բալ-Է» ափային հրթիռային համալիրը: Այդ մասին հայտնի է դարձել Коммерсантъ-ին:

Նշվում է, որ գործարքի չեղարկումը պայմանավորված է ՌԴ պաշտպանության նախարարության դիրքորոշմամբ: Ռուսական կողմը եկել է այն եզրահանգմանը, որ տվյալ համալիրի հրթիռի՝ նույնիսկ արտահանման համար նախատեսված տարբերակը հավանական սպառնալիք է ՌԴ տարածքային ջրերում գտնվող Կասպյան նավատորմի համար:

Նշվում է, որ Մոսկվան էական վնաս չի կրի տվյալ գործարքի չեղարկումից, քանի որ  վերջին տարիներին Բաքուն 5 մլրդ դոլարի ռուսական զենք և ռազմական տեխնիկա է գնել: Ըստ թերթի` երկկողմ հարաբերությունների սառեցմանը դա նույնպես չպետք է հանգեցնի: