Գերմանիան զենք չի մատակարարի սիրիացի գրոհայիններին

Գերմանիայի կանցլեր Անգելա Մերկելը հայտարարել է, որ Գերմանիան զենք չի մատակարարի սիրիական ընդդիմությանը: Այսօր նա այդ հայտարարությունն արել է ԱՄՆ նախագահ Բարաք Օբամայի հետ Բեռլինում կայացած համատեղ ասուլիսում. տեղեկացնում է ИТАР-ТАСС-ը:

«Գերմանիան առաջնորդվում է իրավական հստակ դրույթներով, որոնց համաձայն` զենք չի մատակարարվի այն շրջաններ, որտեղ քաղաքացիական պատերազմ է: Սակայն դա չի նշանակում, որ Գերմանիան կառուցողական դեր չի խաղալու քաղաքական գործընթացում կամ Սիրիային մարդասիրական օգնություն ցուցաբերելու գործում»,- ասել է նա:

Մերկելը միաժամանակ նշել է, որ Բաշար Ասադի կառավարությունը կորցրել է իր լեգիտիմությունը: