Խաշուկջիի սպանության գործում շատ բաց հարցեր կան. Գերմանիայի ԱԳՆ

Սաուդցի ընդդիմադիր լրագրող Ջամալ Խաշուկջիի սպանության գործում զարգացում կա, սակայն շատ հարցեր շարունակում են բաց մնալ: Այդ մասին ճեպազրույցում ասել է Գերմանիայի ԱԳՆ ներկայացուցիչ Քրիստոֆեր Բուրգերը. հայտնում է РИА Новости-ն:

«Մենք սաուդյան կողմին հասկացրել ենք, որ թափանցիկություն ենք ակնկալում: Երեկ մենք տեսանք, որ զարգացում կա, դա առաջին քայլն է, սակայն շատ հարցեր բաց են մնում»,- ասել է ԱԳՆ ներկայացուցիչը` մանրամասնելով, որ այդ հարցերը վերաբերում են սպանության պատճառներին և կասկածյալների պատասխանատվությանը:

Հիշեցնենք, որ երեկ Սաուդյան Արաբիայի դատախազությունը հայտարարել էր, որ Խաշուկջիին սպանելու հրաման տվել է խմբավորման ղեկավարը, որի նպատակն էր լրագրողին Սաուդյան Արաբիա վերադարձնել: