Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ավստրալիայի Հայ դատի հանձնախումբը կոչ է արել Ավստրալիայի կառավարությանը` աջակցություն ցուցաբերել Արցախին։
Կանբերայում Դաշնային խորհրդարանի արտաքին գործերի և աջակցության համատեղ հանձնաժողովի բացման ժամանակ Հայ դատի հանձնախմբի գործադիր տնօրեն Հայկ Կայսերյանը, հանդես գալով ավստրալահայերի անունից, հորդորել է կառավարությանը` մարդասիրական օգնության սահմանները տարածել դեպի Արցախի Հանրապետություն: Նա կոչ է արել առավել հավասարակշիռ մոտեցում ցուցաբերել Արցախին, նաև վերանայել Հայոց ցեղասպանության նկատմամբ դիրքորոշումը:
Ի դեպ, առաջին անգամ է, որ Ավստրալիայի Հայ դատի հանձնախումբը դիմում է Ավստրալիայի կառավարությանը` Արցախին օգնություն ցուցաբերելու խնդրանքով:
Դաշնային խորհրդարանի հանձնաժողովը և դրա ենթահանձնաժողովները արտաքին հարցերի մասին տվյալներ և խորհրդատվություն են տրամադրում Ավստրալիայի Սենատին, Ներկայացուցիչների պալատին և նախարարներին: