Քիմ Քարդաշյանի նոր նախաձեռնությունը ՀՀ-ին ու Արցախին աջակցելու համար

Ամերիկահայ հեռուստաաստղ Քիմ Քարդաշյանը շարունակում է իր ներդրումն ունենալ 2 հայկական պետությունների զարգացման գործում: Այս անգամ հայտնի աստղը Հայաստանի ու Արցախի համար ծանր օրերին նոր նախաձեռնություն ունի, որի շնորհիվ կշարունակի աջակցել հայրենիքին։

Հայուհին, որը միայն Instagram-ում 191 մլն լսարան ունի, Stories բաժնում պատմել է զարդի մասին, որի վաճառքից ստացված ողջ եկամուտը կուղղվի «Հայաստան» համահայկական հիմնադրամին։

Այս առնչությամբ նա գրել է. «Նռերով թևնոցներ՝ Հայաստանին ու Արցախին աջակցելու համար։ Ամբողջ եկամուտն ուղղվում է «Հայաստան» համահայկական հիմնադրամին»:

Ի դեպ, դեռ հոկտեմբերին Քիմ Քարդաշյանը հայտնել էր հիմնադրամին մեկ միլիոն դոլար փոխանցելու մտադրության մասին եւ հետեւորդներին կոչ արել հետեւել իր օրինակին։