Հակոբ Բագրատունին Լիբանանում Բրիտանիայի նորանշանակ դեսպանին ներկայացրել է ՀՅԴ-ի դերը

ՀՅԴ Լիբանանի Կենտրոնական կոմիտեի ներկայացուցիչ, պատգամավոր Հակոբ Բագրատունին «Շաղզոյեան» կենտրոնի իր գրասենյակում ընդունել է Լիբանանում Բրիտանիայի նորանշանակ դեսպան Քրիս Ռեմփլինկին:

Ըստ Aztagdaily-ի` Բագրատունին դեսպանի հետ քննարկել է Բրիտանիայի և Լիբանանի փոխհարաբերությունները:

Պատգամավորը դեսպանին է ներկայացրել նաև ՀՅԴ-ի` լիբանանյան կյանքում` անցյալում ու ներկայում, ունեցած դերակատարությունըն, ինչպես նաև պատմել Լիբանանի հայության մասին:

Հանդիպման ընթացքում քննարկվել են նաև Բրիտանիայի դիրքորոշումները տարածաշրջանային և լիբանանյան  հարցերի վերաբերյալ:

Դեսպան Ռեմփլիկն իր հերթին վերահաստատել է միջազգային խորհրդաժողովների ընթացքում Լիբանանին իրենց տված խոստումները թե' բանակի զինման, թե' շինարարական ու զարգացման ծրագրերի հարցում:

Հանդիպման ընթացքում կողմերն անդրադարձել են նաև Լիբանանում ապաստանած սիրիացի տեղահանվածներին հայրենիք վերադարձնելու հարցին: