ՌԴ-ն պատրաստվում է ԱՄՆ-ի դեմ պաշտպանական պատերազմի. ռուս պաշտոնյա

ՌԴ ԱԳՆ սպառազինությունների չտարածման և վերահսկողության հարցերով դեպարտամենտի ղեկավարի տեղակալ Անդրեյ Բելոուսովը հայտարարել է, որ Ռուսաստանը պատրաստվում է ԱՄՆ-ի դեմ պաշտպանական պատերազմի: Այդ մասին նա ասել է ՄԱԿ-ի Գլխավոր վեհաժողովի հանձնաժողովի նիստում. հայտնում է ТАСС-ը:

Բելոուսովի հայտարարությունը հաջորդել է այն բանին, երբ ՄԱԿ-ը դեմ է քվեարկել Մոսկվայի առաջարկած բանաձևի քննարկմանը: Մոսկվան բանաձև էր ներկայացրել  ի պաշտպանություն ԱՄՆ-ի հետ կնքված Միջին ու փոքր հեռահարության հրթիռների ոչնչացման մասին պայմանագրի, որից  ԱՄՆ-ը ցանկանում է  դուրս գալ:

«Ռուսաստանի Դաշնությունը պատրաստվում է պատերազմի, իսկ ԱՄՆ-ը նախապատրաստում է պատերազմը»,- ասել է նա` հավելելով, որ ՌԴ-ն կպաշտպանի երկրի տարածքային ամբողջականությունը, բնակչությանն ու իր սկզբունքները: