Մտավախություն չունեմ, որ ՀՀԿ-ն վաղը կողմ կքվեարկի Փաշինյանին. Ալեն Սիմոնյան

«Ելք» խմբակցության պատգամավոր Ալեն Սիմոնյանը պնդում է, որ մտավախություն չունի, որ վաղը Հանրապետականը կողմ կքվեարկի իրենց կողմից առաջադրված վարչապետի թեկնածու Նիկոլ Փաշինյանի օգտին: Այս մասին նա հայտարարեց խորհրդարանում լրագրողների հետ զրույցում: Ըստ պատգամավորի` չկա դահլիճում այնպիսի ուժ, որ պահանջվող ձայներով կարող է վաղը «կողմ» քվեարկություն կազմակերպել:

Նա ասաց, որ վարչապետի թեկնածու առաջադրելու նպատակն է տեղիք չտալ տարաբնույթ խոսակցություններին:

Ինչ վերաբերում է այն բանին, թե վաղն ինչպես կքվեարկի, Սիմոնյանն ասաց. «Ես չեմ քվեարկելու վաղը պարոն Փաշինյանին»։

Հիշեցնենք, որ վաղն ԱԺ հատուկ նիստ է գումարվելու վարչապետի ընտրության համար: Դեկտեմբերին արտահերթ խորհրդարանական ընտրություններ անցկացնելու համար անհրաժեշտ է, որպեսզի խորհրդարանը երկու անգամ չընտրի վարչապետ: