Հայկ Մարությանը կաշխատի՞ Կամո Արեյանի հետ

Բոլոր այն մարդկանց հետ, ովքեր պատրաստ են ծառայել Երևանին, Հայկ Մարությանը կաշխատի: Լրագրողների հետ զրույցում խոսելով քաղաքապետարանում կադրային փոփոխության մասին՝ Երևանի նոր քաղաքապետն ասաց, որ մինչև այս ընտրությունները ծառայություն չի եղել, չնայած աշխատանքներ տարվել են, բայց դա չի եղել ծառայություն Երևանին: «Եթե մարդիկ պատրաստ են ծառայել և չունեն օրենքի հետ ոչ մի խնդիր, պատրաստ եմ աշխատել նրանց հետ»,- նշեց նա:

Հարցին՝ այդ թվում նաև Կամո Արեյանի հե՞տ է պատրաստ աշխատել, նա պատասխանեց՝ այո, բոլորի, բայց նաև լինելու է անհատական մոտեցում: «Ես ինքս կորոշեմ, ինչպես նաև ավագանու անդամների հետ կորոշենք, թե անհատները, մեր տեսակետով, կարո՞ղ են շարունակել աշխատել, թե՞ ոչ»,- նշեց Մարությանը: