Բարենպաստ պայմաններ են ստեղծվել ԼՂ հակամարտության կարգավորման համար. Ալիև

Ադրբեջանի նախագահ Իլհամ Ալիևը հայտարարել է, որ ներկայումս բարենպաստ պայմաններ են ստեղծվել ԼՂ հակամարտության կարգավորման համար. հայտնում է Интерфакс-Азербайджан-ը:

«Կարծում եմ, որ այսօր առավել բարենպաստ իրավիճակ է ստեղծվել ԼՂ հակամարտության կարգավորման համար: Կան բազում գործոններ, որոնք հիմք են տալիս նման հայտարարության համար»,- ասել է նա Բաքվում 2018-ի մարզական արդյունքներին նվիրված արարողության ժամանակ:

Նրա խոսքով` առաջին հերթին այդ գործողններն են Ադրբեջանի աճող տնտեսական և ռազմական հզորությունը և երկրի ամրապնդվող դիրքերը միջազգային ասպարեզում:

Ալիևն ասել է, թե Բաքվի դիրքորոշումը ԼՂ հարցում իր արտացոլումն է գտնում շատ միջազգային կազմակերպությունների բանաձևերում և որոշումներում:

«...Նաև կազմակերպությունում, որի անդամ է Հայաստանը, և որտեղ մենք ներկայացված չենք, նախընտրություն է տրվում մեր դիրքորոշմանը»,- հավելել է նա: