Քվեարկելու եմ արդյունավետ և արդար կառավարման օգտին. Արտակ Զեյնալյան

Քվեարկելու եմ արդյունավետ և արդար կառավարման օգտին՝ հանուն Երևանի հավերժության. լրագրողների հետ զրույցում նշեց «Լույս» դաշինքի քաղաքապետի թեկնածու Արտակ Զեյնալյանը, ով այցելեց ընտրատեղամաս՝ կատարելու իր ընտրությունը:

Նա հույս հայտնեց, որ վաղվանից կներկայանանք մաքուր էջից ու չենք կեղտոտի այդ էջը: «Չնայած ես կողմնակից եմ էջը չմրոտելուն, առհասարակ»,- հավելեց Զեյնալյանը:

Հարցին, թե ո՞ւմ կողմից է կեղտոտվել էջը, նա արձագանքեց, որ վերացական էր պատասխանը:

Մեկ այլ հարցի, թե ինչպե՞ս է վերաբերվում երեկ ոստիկանության՝ ԲՀԿ գրասենյակ մտնելուն և ստուգումներ իրականացնելուն,  Զեյնալյանը պատասխանեց, որ տեղյակ չէ մանրամասներին: «Մի քանի վերնագիր եմ կարդացել և պետք է ասեմ, որ որևէ հակաօրինական բան չկա, ավելին ասել չեմ կարող»,- նշեց նա:

Ինչ վերաբերում է ընտրություններից հետո ՔՊ-ի հետ հնարավոր կոալիցիային, Զեյնալյանը նշեց, որ ընտրությունների արդյունքն իմանալուց հետո ամեն ինչ պարզ կլինի: