Չպետք է ասել, որ նախկին իշխանությունները միայն վատն են արել. Արամ Սարգսյան

«Ելք» խմբակցության պատգամավոր Արամ Սարգսյանն այսօր լրագրողների հետ ճեպազրույցում ասաց, որ Հայաստանում հեղափոխականների և հակահեղափոխականների բաժանում չի անում: «Ես հայ մարդուն չեմ բաժանում հեղափոխականների և հակահեղափոխականների: Ես բաժանում եմ գաղափարակցի և ոչ գաղափարակցի»,- շեշտեց նա:

Արամ Սարգսյանն ընդգծեց. «Պիտի գիծ չգծենք ու չասենք, որ մինչ այս ինչ եղել է, վատ է: Չպետք է ասել, որ նախկին իշխանությունները միայն վատն են արել: Պետք է վատը թողնել, լավը վերցնել ու շարժվել առաջ: Սա կլինի իրական հեղափոխություն»:

Նա նշեց` իր համար հեղափոխություն էր 1989-1990-ական թվականներին տեղի ունեցածը, երբ համակարգը փոխվեց: «Իսկ ներկայիս իրավիճակը երրորդ հանրապետության շարունակությունն է»,- հավելեց պատգամավորը: