Այս պահին Երևանում sett-weather
Փոխարժեքներ 03 04 2025
USD ⚊ $ 391.32
EUR ⚊ € 432.53
RUB ⚊ ₽ 4.6652
GBP ⚊ £ 514.27
GEL ⚊ ₾ 141.78
կարևոր
0 դիտում, 6 տարի առաջ - 2018-08-31 13:29
Իրավական

ՌԴ-ն չի արտահանձնի Միքայել Հարությունյանին. Интерфакс

ՌԴ-ն չի արտահանձնի Միքայել Հարությունյանին. Интерфакс

Ռուսաստանը կմերժի ՀՀ պաշտպանության նախկին նախարար Միքայել Հարությունյանին Հայաստանին արտահանձնելու հարցում, քանի որ նա ՌԴ քաղաքացիություն ունի: Այդ մասին հայտնում է Интерфакс-ը՝ հղում անելով իր աղբյուրին:

Աղբյուրը մանրամասնել է, որ ՌԴ իրավապահ մարմինները Երևանից Միքայել Հարությունյանին արտահանձնելու մասին  պաշտոնական հարցում են ստացել և այժմ այն գտնվում է քննարկման փուլում:

 Սակայն, ըստ աղբյուրի` կա նախնական որոշում առ այն, որ արտահանձնումը կմերժվի, քանի որ Հարությունյանը 2002 թվականից ռուսական անձնագիր ունի:

 Աղբյուրը չի բացահայտել նամակագրության մանրամասները՝ նշելով միայն, որ հարցումը ստացվել է Ռուսաստանում Ինտերպոլի Ազգային կենտրոնական բյուրոյի գծով:

Միքայել Հարությունյանը հետախուզման  մեջ է Մարտի 1-ի գործով:

Հիշեցնենք, որ 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ քրեական գործով ՀՀ պաշտպանության նախկին նախարար Միքայել Հարությունյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով` այն բանի համար, որ նա այլ անձանց հետ նախնական համաձայնությամբ տապալել են Հայաստանի Հանրապետության սահմանադրական կարգը:

 
 
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը