Երևանի կենտրոնում 20-ամյա ՌԴ քաղաքացին բանկոմատից 15 մլն դրամ է հափշտակել

SHAMSHYAN.com-ի տեղեկություններով՝ երեկ, օգոստոսի 17-ին, Ոստիկանության կենտրոնական բաժնի ծառայողները, բաժնի պետի ժամանակավոր պաշտոնակատար Արման Պապյանի գլխավորությամբ, ստացված օպերատիվ տվյալներն իրացնելով, Մաշտոցի պողոտայի փակ շուկայի հարևանությամբ գտնվող «Կոնվերս բանկ» ՓԲԸ-ին պատկանող բանկոմատից գումար հափշտակելու պահին բռնել և Ոստիկանություն են բերման ենթարկել մի քաղաքացու:

Ինչպես հայտնում է ֆոտոլրագրող Գագիկ Շամշյանը, պարզվել է, որ բերման ենթարկվածը Ռուսաստանի Դաշնության քաղաքացի, ժամանակավորապես Երևան քաղաքի Հրաչյա Քոչար փողոցում գտնվող հյուրանոցային համալիրներից մեկում բնակվող 20-ամյա Դանիել Չիրիզավինն է:

Գ. Շամշյանի տեղեկություններով՝ նրա մոտ հայտնաբերվել է մոտ 15 մլն ՀՀ դրամ:

Ֆոտոլրագրողի տեղեկություններով՝ ոստիկանները պարզել են, որ նշված գումարը նա հափշտակել է Մաշտոցի պողոտայի թիվ 5 հասցեում գործող «Երևան Սիթի» սուպերմարկետում տեղադրված «Կոնվերս բանկ»-ի բանկոմատից:

Մանրամասները` սկզբնաղբյուր կայքում: