Արմեն Սարգսյանը քոչարի է պարում ցուցարարների հետ

«Ամուլսարն առանց հանքի» նախաձեռնության անդամներն այսօր Մաշտոցի պուրակից երթ էին կազմակերպել դեպի ՀՀ նախագահի նստավայր Արմեն Սարգսյանին նամակ հանձնելու նպատակով: Ակցիայի մասնակիցները պահանջում էին դադարեցնել Ամուլսարի հանքի շահագործումը կամ որոշ ժամանակահատվածով կասեցնել, որպեսզի հնարավոր լինի նոր ուսումնասիրություններ իրականացնել:

Բողոքի ակցիայի մասնակիցների հետ հանդիպեց ՀՀ նախագահ Արմեն Սարգսյանը: Նա հերթական անգամ հայտարարեց, որ որևէ կապ չունի Ամուլսարի հանքը շահագործող «Լիդիան» ընկերության հետ: Նախագահի խոսքով` բարձրացված խնդիրն ուսումնասիրության կարիք ունի: «Եթե միայն Ամուլսարը լիներ, ես կգայի, կասեի՝ եկեք բոլորս միասին այդ հարցը լուծենք, սակայն մեր բնապահպանական խնդիրները շատ մեծ են և ուսումնասիրության ենթակա են»,- ասաց նա:

Արմեն Սարգսյանի հետ զրույցից հետո ակտիվիստները նրան հրավիրեցին` փողոցում իրենց հետ քոչարի պարելու: Նախագահը չմերժեց: