Կոռուպցիա տեսնելիս, առողջապահության նախարարը չի վարանելու դիմել իրավապահներին

Այսօր «Ազատություն» ռադիոկայանի «ֆեյսբուքյան ասուլիս» հաղորդման ժամանակ ՀՀ առողջապահության նորանշանակ նախարար Արսեն Թորոսյանը մատնանշել է առողջապահության ոլորտի մի շարք խնդիրներ, մասնավորապես` կանխարգելիչ բժշկության թույլ լինելը, երբ բժիշկները ավելի շատ զբաղված են բուժելով, քան կանխարգելելով, ֆինանսների սուղ լինլեը, դեղերի գներ, պետպատվերի բաշխման խնդիրները և այլն: Հարցին, թե արդյո՞ք իր ղեկավարած համակարգում կա կոռուպցիա, նախարարը նշեց, որ ինքը լինելով համակարգի ներսում աշխատած մարդ, իհարկե գիտի, որտեղ ինչ խնդիրներ կան` կոռուպցիայի հետ կապված:

Կոռուպցիոն ռիսկեր կան սկսած ֆինանսական միջոցների բաշխումից, որի մեջ մտնում են պետպատվերը, պետական գնումները, տարբեր պաշտոններում տարբեր մարդկանց նշանակելը, արհեստական մրցույթները, ծանոթ-բարեկամ աշխատանքի դասավորելը և այլն:

«Իմ ուժերի ներածին չափով կասեցնելու եմ նման բաները: Եթե տեսնեմ, որ չի ստացվում, այդտեղ արդեն գործի կանցնեն իրավապահ մարմինները: Պաշտոնապես կարող եմ հայտարարել. ես չեմ վարանելու դիմել իրավապահ մարմիններին»,- ասաց նա: