Թուրքիայում ամերիկացի հոգևորականին սպառնում է մինչև 35 տարվա ազատազրկում

Թուրքիայում մեկնարկել է ամերիկացի հոգևորական Էնդրյու Քրեյգ Բրունսոնի դատավարությունը, ով Թուրքիայի իշխանությունների կողմից մեղադրվում է Քուրդիստանի բանվորական կուսակցության և գյուլենական համայնքի հետ կապեր ունենալու, ինչպես  նաև լրտեսություն անելու մեջ։

Ըստ DHA-ի` ամերիկացի քահանային սպառնում է մինչև 35 տարվա ազատազրկում։  

«Իմ` այստեղ գտնվելու միակ նպատակը Հիսուսի  մասին պատմելն էր։  Երբեք սխալ բան չեմ արել։ Պետությունը միշտ ինձ հետևել է»,- ասել է Բրունսոնը։

Նա տեղեկացրել է, որ ինքն այժմ հոգեկան խնդիրներ ունի և ցանկանում է այլ բանտախուց տեղափոխվել։ Դատարանը խոստացել է ուսումնասիրել Բրունսոնի պահանջը։