Վիտասին մինչև 5 տարվա ազատազրկում է սպառնում

Իրավապահ մարմինները ռուս հայտնի երգիչ Վիտասից հանել են որոշ մեղադրանքներ. հայտնում է РИА Новости-ն: Երգիչն այլևս չի մեղադրվում հեծանվորդ Օլգա Խոլոդովայի կյանքին սպառնալիք առաջացնելու մեջ:

Միևնույն ժամանակ, Վիտասի փաստաբանը հայտնել է, որ նրա պաշտպանյալին ոստիկանների վրա հարձակվելու վերջնական մեղադրանք է առաջադրվել: Այդ հոդվածով Վիտասին մինչև 5 տարվա ազատազրկում է սպառնում:

Հիշեցնենք, որ Վիտասի մասնակցությամբ վթարը տեղի էր ունեցել 2013-ի մայիսի 10-ին: Նա Մոսկվայի հյուսիսարևելյան հատվածում իր Infiniti-ով վրաերթի է ենթարկել մի հեծանվորդ աղջկա: Երբ ոստիկանները դեպքի վայր են ժամանել, Վիտասը սկսել է նրանց անպատվել, իսկ նրանցից մեկին անգամ հարվածել է ոտքով: