Ի՞նչ գործ ունեմ շոու բիզնեսի հետ. Սամվել Ալեքսանյան

ԱԺ ՀՀԿ խմբակցության պատգամավոր, գործարար Սամվել Ալեքսանյանը հերքում է տեղեկություններ, թե մուտք է գործելու շոու բիզնես:

Նշենք, որ մամուլում լուրեր էին հայտնվել, որ Ալեքսանյանը որոշել է մտնել նաև շոու բիզնեսի դաշտ, այնտեղ ևս դառնալ մոնոպոլիստ:

«Ո՞վ ա ասում, թերթերն ինչ գրում են, հավատո՞ւմ եք: Գրի, որ ես շոու բիզնեսի հետ գործ չունեմ, ի՞նչ գործ ունեմ շոու բիզնեսի հետ»,- ասաց պատգամավորը:

Դիտարկմանը` ասում են` Սոնա Ռուբինյանին եք ուզում հովանավորել, քանի որ ամուսնանում է ձեր քրոջ որդի Էդգարի հետ, արձագանքեց. «Այ ցավդ տանեմ, ես ին՞չ գործ ունեմ, ես Սոնա ե՞մ ճանաչում, այ ցավդ տանեմ: Օդից բռնել-գրել են, հիմա որ իմ քրոջս տղու քենին ա, ես ի՞նչ անեմ: Մամուլը ինչ ասես գրում ա, հիմա որ էդ մարդն ու էդ աղջիկն իրար ուզում են, իրար հետ հանդիպում են, ես ի՞նչ անեմ»: