Եթե կապ ունեմ Մարտի 1-ի հետ, թող գնդակահարեն. Սամվել Ալեքսանյան

ԱԺ ՀՀԿ-ական պատգամավոր Սամվել Ալեքսանյանն իր անունը չի կապում Մարտի 1-ի դեպքերի հետ: Այս մասին նա հայտարարեց այսօր խորհրդարանում լրագրողների հետ զրույցում:

«Ծառուկյան Գագոն ո՞նց ասեց` ով որ մարտի մեկին եղել ա, թող տանեն գնդակահարեն»,- ասաց նա:

Հարցին՝ ինքը պատրա՞ստ է գնդակահարվելուն, պատգամավորը դրական պատասխան տվեց  ու հավելեց. «Ես այդ դեպքերի հետ որևէ կապ չունեմ»։

Նա նշեց, որ մամուլը միշտ սխալ բաներ է գրում իր մասին: Իսկ հարցին էլ` եթե սխալ բաներ է  գրում, ինչո՞ւ դատի չի տալիս, պատասխանեց. «Ես բան ու գործ չունե՞մ, որ ձեր մամուլի պատճառով սաղ օրը դատարանի դռներն ընկնեմ, ընձի 200 հատ իրավաբան չի հերիքի»: