Բյուրականում տուն չեմ կառուցում. Հովհաննես Սահակյան

Բյուրականում տուն չի կառուցում և մտադրություն էլ չունի». yerkir.am-ի հետ զրույցում ասաց Սոցիալական ապահովության պետական ծառայության պետ Հովհաննես Սահակյանը:

«Տուն կառուցելը, ծառ տնկելը, որդի ունենալը յուրաքանչյուր հայ տղամարդու սուրբ գործն է: Ես կնոջս և երեխաներիս հետ բնակվում եմ Երևանում գտնվող իմ բնակարանում և նոր տան կարիք դեռևս չունեմ»,- նշեց նա:

Անդրադառնալով «Չորրորդ իշխանություն» թերթի այսօրվա հոդվածին` Հովհաննես Սահակյանն ասաց, որ իր բռնած ուղուց անշեղ է լինելու և, պատգամավոր լինելու տարիներից սկսած, մշտապես առիթ է ունեցել նշելու, որ կողմ է կոռուպցիայի դեմ պայքարին:

«Կոռուպցիայի դեմ պայքարը պետք է լինի ամենօրյա ազնիվ, սրտացավ ու հետևողական աշխատանքը: Ես դա իրականացնում եմ ՍԱՊԾ-ի աշխատակազմի միջոցով, ովքեր այդ սկզբունքները կիսում են ինձ հետ: Ստանձնելով պաշտոնը՝ առաջին իսկ օրվանից այցելել եմ ծառայության 51 տարածքային բաժիններ, որոնք ունեն 600-ից ավելի աշխատակիցներ, հանդիպել եմ ՏԲ պետերի և բոլոր աշխատակիցների հետ, ներկայացրել բարձրագույն իշխանության և իմ աշխատանքային սկզբունքներն ու պահանջները,- ասաց Հովհաննես Սահակյանը: