Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր կառավարության նիստում վարչապետ Կարեն Կարապետյանը հանձնարարական տվեց տեղական էլեկտրոնային կառավարման միասնական թվային պլատֆորմ ստեղծելու վերաբերյալ:
Վարչապետի խոսքով` տարածքային կառավարման արդյունավետության բարձրացման տեսանկյունից կարևոր է ներդնել տեղական էլեկտրոնային կառավարման միասնական թվային պլատֆորմ: Այն ստեղծելու գործում առաջնային է գույքահարկերի հաշվառման միասնական համակարգի ներդրումը, ինչի բացակայությունը խնդիրներ է առաջացնում անշարժ գույքի հարկի և փոխադրամիջոցների գույքի հաշվառման, վճարումների ձևերի հավաքագրման տեսանկյունից:
Հաշվի առնելով դա` պատկան մարմիններին հանձնարարվեց կառավարություն ներկայացնել տեղական էլեկտրոնային կառավարման միասնական պլատֆորմ ստեղծելու վերաբերյալ ծրագրի միջոցառումների և ժամանակացույցի նախագիծ, ինչպես նաև դրա կիրառման վերաբերյալ օրենսդրական նախագիծը ներկայացնել կառավարության աշխատակազմին: