Զախարովան անակնկալ է խոստացել Լոնդոնին

ՌԴ  ԱԳՆ պաշտոնական ներկայացուցիչ Մարիա Զախարովան կարծում է, որ  ռուս նախկին լրտես Սերգեյ Սկրիպալի թունավորման գործով Մեծ Բրիտանիան անցել է սև փիարի, իսկ Լոնդոնի գործողությունները «սադրանք են և արկածախնդրություն»: Այդ մասին նա ասել է «Ռոսիա-1» հեռուստաալիքի «Воскресный вечер с Владимиром Соловьевым» հաղորդման ժամանակ:

Զախարովան նաև անակնկալ է խոստացել Լոնդոնին: «Մենք անակնկալ ունենք բոլոր նրանց համար, ովքեր կա'մ խիղճ, կա'մ համարձակություն  ունեն  ինչ-որ կերպ զուգահեռներ տանելու Ռուսաստանի և Երրորդ ռեյխի միջև»,- ասել է նա:

Հիշեցնենք, որ Լոնդոնը Ռուսաստանին է մեղադրում ռուս նախկին լրտես Սերգեյ Սկրիպալի թունավորման մեջ, իսկ Մեծ Բրիտանիայի ԱԳՆ ղեկավարը համեմատել էր ՌԴ-ում կայանալիք 2018 թվականի ֆուտբոլի աշխարհի առաջնությունը և նացիստական Գերմանիայում 1936 թվականի օլիմպիական խաղերը: