«Բացարձակ սուտ». Արմեն Սարգսյանը հերքեց, թե Վազգեն Սարգսյանի հետ վեճից հետո է լքել պաշտոնն ու Հայաստանը

Քիչ առաջ ավարտվեց նախագահի թեկնածու Արմեն Սարգսյանի հանդիպումը ՀՅԴ Բյուրոյի և ԳՄ ներկայացուցիչների հետ:

Հանդիպման ավարտից հետո Սարգսյանը պատասխանեց լրագրողների հարցերին: Նա ինչպես հանդիպման սկզբում էր նշել, նորից կրկնեց, որ որոշում կկայացնի բոլոր կուսակցությունների, ՀԿ-ների, մշակութային ոլորտի ներկայացուցիչների հետ հանդիպելուց հետո:

Yerkir.am-ի հարցին, թե ի վերջո կարո՞ղ է վերջ տալ վերջին շրջանում տարածված տեղեկություններին, որ ժամանակին Վազգեն Սարգսյանի հետ ունեցած միջադեպից հետո է լքել վարչապետի պաշտոնը եւ հեռացել Հայաստանից, Սարգսյանն ասաց. «Կարճ կպատասխանեմ, բացարձակ սուտ », ապա հավելեց. « Լավ կլինի այդ շահարկումը արհեստական չուռճացնեք»:

Նա այլ հարցերի չէր ցանկանում պատասխանել, միայն նշեց, որ նախագահը և հանրապետականը իրեն առաջադրել են ՀՀ  4-րդ նախագահի թեկնածու և զբաղված է այդ գործով:

«Ես որևէ տեղ չեմ կորի: Եթե դառնամ նախագահ, իմ թեկնածությունը հաստատեմ  կամ չհաստատեմ, պատրաստ կլինեմ ձեր հարցերին պատասխանել»,- ասաց նա: Հարցին էլ՝ ի՞նչը կարող է նրան ստիպել հրաժարվել ընդունել նախագահ դառնալու առաջարկը, նա ասաց, որ մի օր կասի: