Ադրբեջանում ձերբակալված ռուս գիտնականը վերադարձել է Ռուսաստան

Ադրբեջանի իշխանությունները թույլատրել են ռուս գիտնական Դմիտրի Չուլկովին` լքել երկիրը: Այդ մասին Газета.ру-ին հայտնել է Ադրբեջանում ՌԴ դեսպանատան մամուլի քարտուղար Դենիս Ապաշկինը: Նրա խոսքով` Չուլկովն արդեն Ռուսաստանի տարածքում է:

ՌԴ գիտությունների ակադեմիայի աստղագիտություն ինստիտուտի գիտաշխատող Դմիտրի Չուլկովը, ով Ադրբեջան էր մեկնել զբոսաշրջային նպատակներով, ձերբակալվել էր հունվարի 5-ին` 10 օր ժամկետով: Նա գնացել էր` Գյոյգյոլ լիճը տեսնելու, սակայն ճանապարհին ձերբակալվել էր: Որոշ ժամանակ անց հյուրանոց էին եկել անվտանգության ծառայության աշխատակիցները, խուզարկություն իրականացրել Դմիտրիի սենյակում և տարել նրա իրերը։ 

Ըստ ադրբեջանական ԶԼՄ-ների`նա ձերբակալվել էր զորամասում անօրինական նկարահանումներ անելու համար։