Ձեր հրաժարականն ամենամեծ բանն է, որ կարող եք անել Հայաստանի համար․ Նիկոլ Փաշինյանին՝ Միլանի հայ գիտնականը

Ես կոչ եմ անում, որ Ձեր կառավարությունը և Դուք անձամբ հրաժարական տաք: Դա ամենամեծ բանն է, որ Դուք կարող եք անել Հայաստանի համար`ըստ Yerkir.am-ի Միլանի Հայ Առաքելական Սուրբ Քառասուն Մանկունք եկեղեցում հայ համայնքի հետ հանդիպմանը, դիմելով ՀՀ վարչապետ Նիկոլ Փաշինյանին, ասաց Միլանի Եվրոպական ուռուցքաբանության ինստիտուտի գիտաշխատող ներկայացած մի կին:

Նա նկատեց, որ Նիկոլ Փաշինյանի վարած քաղաքականությունը տանում է Արցախը և Հայաստանը կործանման․ «Որպես Հայաստանի քաղաքացի` ես ծայրահեղ մտահոգված եմ նոր իշխանությունների արտաքին և ներքին քաղաքականությամբ` ատելության քարոզ, բոլոր պետական ինստիտուտների կազմաքանդում, Արցախի հարցում ոչ մի ռազմավարություն գոյություն չունի: Ես համարում եմ, որ այս քաղաքականությունը Հայաստանի ու Արցախի պետականության համար լրջագույն սպառնալիք է: Դա կործանման ճանապարհ է»,-հայտարարեց նա:

Փաշինյանը պատասխանեց, որ Վատիկանի պադվալից հանելու է բոլոր կոռումպացվածներին։ Նաև հավելեց․ «Եթե Հայաստանում եղել են իշխանություններ, որոնց նկատմամբ ժողովրդի ունեցած միակ զգացումը ատելությունն է, դրանում իմ մեղքը ո՞րն է: Մենք ո՞ւմ ենք կոչ արել, որ ատեն: Ընդհակառակը` մեր հեղափոխությունը եղել է սիրո և համերաշխության հեղափոխություն»:

Մանրամասները՝ տեսանյութում․