Դեռևս գիտակցության չի եկել. Քասախի կիրճում հայտնաբերված 23-ամյա աղջկա վիճակը ծանր է

Դեկտեմբերի 15-ին` ժամը 03:00-ին, փրկարարները Արագածոտնի մարզի Աշտարակ քաղաքի Քասախի կիրճում ընկած  23-ամյա աղջկա են հայտնաբերել:

Աղջիկը հոսպիտալացվել է Աշտարակի բուժկենտրոն, որտեղից Yerkir.am-ին հայտմեցին, որ նա բազմաթիվ կոտրվածքներ ունի ոտքի և կոնքի, ինչպես նաև գլխի շրջանում: Աղջկան այսօր տեղափոխել են Երևանի «Արմենիա» բուժկենտրոն: Այնտեղից էլ տեղեկացրեցին, որ նա վերակենդանացման բաժանմունքում է: «Նա արհեստական շնչառության սարքի միջոցով է շնչում, գիտակցության դեռ չի եկել: Աղջկա վիճակը ծայրահեղ ծանր է»,- ասացին հիվանդանոցից:

Ոստիկանությունից մեզ հայտնեցին, որ դեպքի մանրամասներն ու պատճառը պարզվում են: Կատարվում է հետաքննություն: