Վանի միջնադարյան հայկական վանքը վերածվել է աղբավայրի

Թուրքիայի Վան նահանգի Էրչիշ  (Արճեշ) շրջանի` 7-րդ դարում հիմնադրված Արծվաբեր վանքը վերացման եզրին է: Ըստ թուրքական «Gazetekarinca» լրատվամիջոցի՝ գանձագողերի թիրախում հայտնված վանքը օր օրի ավելի է ավերվում, իսկ մոտակայքում ապրող բնակիչներն այն վերածել են աղբավայրի. տեղեկացնում է Ermenihaber-ը:

Հայկական աղբյուրների համաձայն՝ վանքը ենթադրաբար հիմնադրվել է (627թ.)-ին իշխան Մժեժ Գնունու կամ էլ Արճեշի քահանա  Եղիա 1-ինի կողմից  (703-717): Ժամանակին այն եղել է տարածաշրջանի 3 կարևոր վանքերից մեկը: 1409-1414թթ. քահանայապետ Կարապետի օրոք վանքը  վերակառուցվել է:  

19-րդ դարի կեսերին վանքի գմբեթը փլուզվել է, ապա նորից վերականգնվել: 

Վանքը հարձակման է ենթարկվել 1915թ.-ին՝ Հայոց ցեղասպանության ընթացքում:  Վանքի պարիսպները, խաչքարները և վանական համալիրի այլ կառույցները լիովին վերացվել են: