Ուկրաինայի ԶՈւ-ի հարձակման հետևանքով Թեոդոսիայում տուժել է միջնադարյան հայկական եկեղեցին, որտեղ թաղված է Այվազովսկին

Թեոդոսիայում 14-րդ դարում կառուցված հայկական Սուրբ Սարգիս եկեղեցին, որտեղ հանգչում է մեծ նկարիչ Հովհաննես Այվազովսկու աճյունը, վնասվել է քաղաքի նավահանգստի վրա Ուկրաինայի զինված ուժերի հրթիռային հարձակման հետևանքով։ Այս մասին «ՌԻԱ Նովոստի»-ին ասել է Ղրիմի ազգամիջյան առաքելության ներկայացուցիչ Զաուր Սմիրնովը։

Նրա տվյալներով՝ տաճարում պայթյունի ալիքից մի քանի վիտրաժներ են կոտրվել։ Սմիրնովը նշել է, որ եկեղեցիների գնդակոծությունը, որը հրեշավոր է իրենց դավաճանությամբ, անկախ նրանց կրոնական պատկանելությունից, դարձել է Ուկրաինայի զինված ուժերի բնորոշ հատկանիշ։

«Ուղղափառ և Մահմեդական սրբավայրերի գնդակոծությունները չեն դադարում Ռուսաստանի Դաշնության նոր սուբյեկտների տարածքներում, այժմ դա տեղի է ունեցել Ղրիմում։ Նման հանցագործություններին կհետևի անխուսափելի պատիժ», - ասել է հասարակական գործիչը։

Անցած գիշեր Ուկրաինայի զինված ուժերը հրթիռային հարված են հասցրել Թեոդոսիայի նավահանգստին։ Հարձակման հետևանքով մեկ մարդ զոհվել է, չորսը՝ վիրավորվել ։ Տուժածներից երկուսը բուժում են ստանում հիվանդանոցում։ Նրանց վիճակը բժիշկները գնահատում են միջին ծանրության։