Տեղյակ չեմ եղել. Տարոն Մարգարյանը` հոր լուսանկարը գովազդային վահանակի վրա տեղադրելու մասին

Տարոն Մարգարյանի հետ չեն համաձայնեցրել հոր` Անդրանիկ Մարգարյանի լուսանկարը գովազային վահանակների վրա տեղադրելու հարցը։ Հայաստան-Սփյուռք համաժողովի ընթացքում լրագրողների հետ զրույցում Երևանի քաղաքապետ Տարոն Մարգարյանը նաև նշեց, որ «Հայ մեծերը» խորագրով վահանակները մասնավոր ընկերության են պատկանում։

Հարցին` հաշվի առնելով իր՝ հանրային դեմք լինելը, մտավախություն չի ունեցել, որ այս հարցում կարող է խոցելի լինել, նա պատասխանեց. «Խոցելի լինելու հարցում մտավախություն չունեմ, բայց ինձ հետ պետք է համաձայնեցնեին։ Չեն համաձայնեցրել։ Բայց պետք է ասեմ նաև, որ և' անսպաասելի էր ինձ համար տեսնել հորս նկարը սոցիալական գովազդում, և' հաճելի»: