Վրաստանում վթարված ավտոբուսը օրերս էր տուգանվել ոչ կանոնավոր ուղևորափոխադրում իրականացնելու համար

Տեղեկացրել էինք, որ այսօր ողբերգական ավտովթար է տեղի ունեցել Վրաստանում։ Ժամը 04։00-ի սահմաններում Նատախտարի շրջանում բախվել են Mercedes մակնիշի Օ961 XA 777 համարանիշի և Setra մակնիշի 24 OR 444 համարանիշի ավտոմեքենաները։ Վթարի հետևանքով Mercedes-ի վարորդը, նրա ուղևորները տեղում մահացել են, իսկ ավտոբուսի ուղևորներից 11 հոգի բժշկական օգնություն ստանալու նպատակով դիմել է բժիշկների օգնությանը։

Yerkir.am-ին տրանսպորտի, կապի եւ ՏՏ նախարարության մամուլի ծառայությունից հայտնեցին, որ ավտոբուսը ոչ կանոնավոր ուղևորափոխադրումներ է կատարել, այն պատկանում է ֆիզիկական անձի: Բացի այդ` օգոստոսի 18-ին ուղևորներ նստեցնելու պահին  նախարարության տրանսպորտային տեսչության կողմից ընկերությունը տուգանվել էր 450 000 դրամով` ոչ կանոնավոր ուղևորափոխադրում իրականացնելու համար: