«Եվրատեսիլ»-ում հաղթած թուրք երգչուհին բեմից վռնդել է հանդիսատեսին դիտողություն արած քաղաքապետին

Թուրքիայում հայտնի երգչուհի Սերթափ Էրեները համերգի ժամանակ բեմից բվռնդել է Չաթալջայի քաղաքապետ Ջեմ Քարային:

Ըստ Demokrathaber-ի՝ համերգի ընթացքում Էրեները հեռվում ոտքի կանգնած հանդիսատեսներին հրավիրել է դիմացի շարքեր, որը նախատեսված է եղել պետական գործիչների համար: Քաղաքապետը, սակայն, միջամտել է՝ չթույլատրելով հանդիսատեսին գալ առաջ:

Երգչուհու և քաղաքապետի միջև բանավեճից հետո Էրեները բեմից վռնդել է նրան, ապա՝ շարունակել համերգը:

«Ես 25 տարի է՝ այս գործն եմ անում: Իմ հանդիսատեսը չի կարող հեռվից համերգին հետևել, այն էլ՝ ոտքի կանգնած»,-դժգոհել է Սերթափ Էրեները, ում պահվածքը ոգեկոչվել է հանդիսատեսի կողմից:

Դեպքից հետո պետական մի շարք գործիչներ քննադատել են Էրեներին՝ քաղաքապետի նկատմամբ նման պահվածի համար:

Հիշեցնենք, որ 2003 թվականին Թուրքիային «Եվրատեսիլ» երգի մրցույթում ներկայացրել էր Սերթափ Էրեները: Էրեները « Everyway That I Can» երգով հաղթով էր ճանաչվել: