Ռուսաստանն ու Թուրքիան ստորագրել են С-400 մատակարարելու մասին փաստաթուղթ

Թուրքիայի նախագահ Ռեջեբ Թայիփ Էրդողանը հայտարարել է, որ Ռուսաստանի հետ ստորագրվել է փաստաթուղթ՝ С-400 զենիթա-հրթիռային համալիր մատակարարելու վերաբերյալ։

«Մենք Ռուսաստանի հետ միասին անհրաժեշտ քայլերն ենք իրականացրել, ստորագրությունները դրված են, հուսով եմ, մենք կտեսնենք С-400-ը մեր երկրում»,- ասել է Էրդողանը։

Նա չի հստակեցրել՝ որտեղ և ինչ փաստաթղթեր են ստորագրվել։ Նախորեին նա հայտարարել է, որ Ռուսաստանից С-400-ի գնման բանակցությունները  հիմնականում ավարտվել են։ ԱՄՆ պաշտոնական շրջանակները արդեն անհանգստություն են ցուցաբերել Ռուսաստան-Թուրքիա ռազմական գործարքի հետ կապված։ С-400-ը նախատեսված է օդային օբյեկտների, այդ թվում ինքնաթիռների ու բալիստիկ հրթիռների  խոցման համար։ Մինչ այժմ Ռուսաստանը С-400-ը վաճառում էր միայն Չինաստանին, բանակցություններ են ընթանում նաև Հնդկաստանի հետ։